Tura, Jun 20: Garo Hills Autonomous District Council (GHADC)-ni ning•o a•arangko nambate nirokna aro kajina man•aniko nambate chalaina ra•gatgipa Mission Aman A•songko Sukrobar salo, Meghalaya a•dokni Chief Minister Conrad K Sangma a•bachengate on•angaha.
Ia Mission-ni ning•o, GHADC-ni ning•o donggipa A•kingrangko toe, wa•reng salenba internet-o dongnok aro ia Mission-ni ning•o GHADC-ni a•a toani aro wa•reng salaniko altubatatna gita sorkarirangni a•arangkosan ong•aigija manderangni a•arangkoba apsan daken, toani ja•man wa•reng sale internet-o donatgen.
Ia Mission Aman A•songko a•bachengate on•anganio a•dokni Chief Minister Conrad K Sangma, jinmana aganprakangengon, a•ani bilrangko nambate chel•chakna aro kamrangko nambatatna gita ia Mission-ko a•bachengatahani gimin GHADC-ko mittelpilangaha.
District Council-ko nambate chalaina man•na gita kamrangko nambate ka•chinaba Chief Minister didiangaha.
Ia Mission-ko a•bachengatanio, West Garo Hills a•jani Deputy Commissioner Vibhor Aggarwal, GHADC-ni Chief Executive Membor (CEM) Albinush R Marak, Deputy CEM Nikman Ch Marak, MDC-rang aro official-rangba dongpae bak ra•angaha.
Na·simang ia video-koba nina man·gen:
Na·simang iakoba poraina man·gen: Tura-o Int’l Yoga Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
