Guwahati, Jun 21: Gipin a•songrangoni social media account-rang, Assam-ni Congress dolna chakpaaniko on•enga aro ian a•songna kenchakna nangani ong•enga ine Sukrobar salo, Assam-ni Chief Minister Himanta Biswa Sarma a•kangataha.
Sarma-ni matnangatani gitade, Bangladesh aro Pakistan a•song gita dakgipa Muslim a•songrangoni 5000-na baten social media account-rang, Assam-o Congress dolni dilgipana aro Assam-ni Congress dolna chakpaanirangko on•enga.
Ia social media account-rang, dam 47 a•songrangoni ong•a indiba ia social media account-rango, Assam-ni Congress dilgipa saksanasan aro Assam a•dokni Congress dolnasan chakpaaniko mesokenga ine Sarma, darangkoba biming ra•gija aganaha.
Congress dolni dilgipako ua biming ra•jahaoba, ian May jao Assam Pradesh Congress Committee (APCC)-ni president-na songako man•gipa Gaurav Gogoi-ko miksongenga ine bang•a dilgiparangan chanchichipenga.
“Ia foreign account-rang, Rahul Gandhi ba Indian National Congress (INC)-ni official page-rangode golporongja indiba dilgipa saksani account-osan agangrikrongbataia,” ine Assam CM aganaha.
Ia account-rangara politics-o nangegipa ong•ja indiba Palestine, Iran aro Bangladesh a•songni Chief Advisor Prof Md Yunus-na chake segiparangsa ong•bata ineba Sarma aganaha.
Iandake Assam CM-ni matnanganirangna da•o dipet Assam Congress doloni maming aganchakanirangko on•skakuja.
Na·simang ia video-koba nina man·gen:
Na·simang iakoba poraina man·gen: GHADC-ni Mission Aman A•songko CM a•bachengate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
