Shillong, Oct 23: Meghalaya a•dokona re•bana skangan gipin biaprangoni re•bae kam ka•giparangna labour licence-ko on•enga ine Bristibar salo, Khasi Hills Autonomous District Council (KHADC)-ni Chief Executive Membor (CEM) Winston Tony Lyngdoh, a•dok sorkariko matnangataha.
Non-Tribal Employee Clearance Certificate (NTECC)-ko on•ani bidingo KHADC-ni session-o sing•anina aganchakaniko on•angengon, Meghalaya a•doko kam ka•na re•baenggipa manderang, a•dokona sokbana skangan a•dok sorkarioniko labour licence-rangko man•engaha ine Lyngdoh matnangatenba, maikai gipin a•dokni manderang, Meghalaya-ona re•bana skang labour licence-rang dongskaenga ine sing•doataha.
KHADC CEM-ni parakatani gitade, gipin biaprangoni re•bae kam ka•e cha•enggipa Tribal ong•gijagipa manderangna KHADC, a•dokona sokbaani ja•mansa NTECC-ko on•enga aro sal 15-ni gisepo iandakgipa manderang, an•tangtangni EPIC, Aadhar, residential certificate, passbook account aro gipin nangchongmotgipa lekkarangko on•kujaskal lekka bichito see on•skaenga.
Gipin biaprangoni re•bae kam ka•e cha•enggipa manderangna a•dok sorkari, Meghalaya-ona re•bana skangan labour licence-ko on•engani gimin iandakgipa manderangko nirok sandina gita KHADC, dingtangmancha niamko ja•rikskaenga ineba Lyngdoh aganaha.
Ia NTECC-ara, United Khasi-Jaintia Trading by Non-Tribal Regulation 1954-o pangchake, labour ba kam ka•e cha•enggipa gipin jatrangna on•gipa lekka ong•a aro ia NTECC-ko KHADC, 2020 bilsini June 4 tariko Executive Committee (EC)-ni gita chanchirimani ja•man on•na a•bachengaha.
Na·simang iakoba nina man·gen:
Na·simang iakoba poraina man·gen: Zubeen Garg sagina kakket bichalko ka·e on·china dabie AASU re·jomaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
