Shillong, Aug 28: Gipin biaprangoni re•baenggipa tourist taxi-rangko champenggenchimode apsan dake Meghalaya a•dokni taxi-rangkoba gipin biaprangona re•angna on•skajanaba gnang ine gipin biaprangoni re•baenggipa taxi-rangko champengjachina a•dokni Tourism Minister Paul Lyngdoh didiataha.
Meghalaya a•dokni tourist spot-rangona gipin biaprangoni manderangko salbaenggipa tourist taxi-rangko champengchina dabie, All Khasi Meghalaya Tourist Taxi Association (AKMTA)-ni jingjengatahani gimin Tourism Minister, ia kattarangko aganaha.
Uamangni neng•nikanirangko, sorkari official Cyril Diengdoh-chi dilenggipa committee baksa chanchirime namatchina gitaba Lyngdoh, AKMTA-ni membor-rangko didiataha.
Lyngdoh-ni aganani gitade, gipin biaprangoni re•baenggipa tourist taxi-rangko champengsoanichi ja•mano Meghalaya a•dokni Guwahati airport aro dingtang dingtang biaprangona re•anggiparangkoba champengsoskaani cholrang dongaiani gimin sorkari, iandake gipin biaprangoni re•baenggipa taxi-rangko skatang champengna man•ja.
A•doktangni manderangnan sorkari, namgnirangko on•na jotton ka•batenga ine janapatskaengon, tourist-rangko salgipa manderangna sorkari, dam rakgipa garirangkon brena gita PRIME vehicle scheme-ni ning•o tangka paisako 80 percent-ni gita dakchake on•enga ine Tourism Minister parakataha.
Na·simang iakoba nina man·gen:
Na·simang iakoba poraina man·gen: M’laya-o ST chadamberangna open recruitment rally-ko ong·atanio career guidance aro counselling program-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
