Shillong, Aug 28: Bristibar salo, East Khasi Hills-ni District Administration, Meghalaya a·doko Scheduled Tribe (ST) chadamberangna special recruitment rally-ko ong·atanio Career Guidance aro Counselling Programme-ko Shillong-ni Soso Tham Auditorium-o ong·atangaha, jeon East Khasi Hills-ni Additional Deputy Commissioner, S. Warjri, Shillong BSF Establishment-ni Commandant Rajiv Kumar Sharma, kamoni neng·takgimin Shillong-ni Zila Sainik Welfare Officer Lt. Colonel Sebastian Marbaniang aro kamoni neng·takgimin Tura-ni Sainik Welfare Officer Colonel Aibanjop Suting-ba dongpae bak ra·angpaaha.
Ia tom·bimonganiko ong·atmiting somio, S Warjri, ia program-ara chadamberangko dilanio dakchakaniko on·an baksana Physical Efficiency Test (PET)-o chu·sokaniko man·giparangna indin coaching-rangko on·anggen ineba parakataha. Indake ong·engon, me·asarangna ge 255 aro me·chikrangna ge 45 post-rangko man·chape chu·gimik ge 300 constable-ni post-rangko Meghalaya-ni chadamberangna a·kange donman·aha ine Rajiv Kumar Sharma u·iate on·angaha.
Constable kamna okamani aro dorgasto galaniko August jao a·bachengatenba, physical test-ko September jao ong·ate, October ja a·bachengo porikka seaniko aro ja bonachipak medical test aro final result-ko November jao nakatatgen.
Ia kamna dorgasto galenggipa mande India-oni ong·na nanggen, bilsiara 18-oni 28-ni gisepo ong·an baksana class 10-ko poraia matchotgimin ong·na gita nanggen. BSF dolrang, Meghalaya-o songdongkamgipa ST chadamberangko dorgasto-rangko galan baksana ia cholko ra·e a·songna dangdike on·china didianiko dakataha.
Na·simang iakoba nina man·gen:
Na·simang iakoba poraina man·gen: Guwahati songjinmao mikkarang jimbee waanichi chirang skongatako man·taia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
