Kohima, Dec 27: India-ni Bollywood actor, Randeep Hooda aro Lin Laishram-ni chu•sokgipa bia ka•manani jamano, git ring•anio mingsingbegipa Sanam Puri aro uni mikchagipa supermodel aro singer, Zuchoben Tungoe baksa bia ka•na inenba pilak tarisamsoanirangko dakengaha.

Sanam Puri, saksa Bollywood-ni gitcham gitrangko gital dake ring•taigipa aro git tariatangko ring•anio mingsinggipa pop-rock band ‘Sanam’-ni lead vocalist ong•achim aro ua ru•utgijan Nagaland-ni chawari ong•nasiaha.

Zuchoben Tungoe, Nagaland-ni Kohima songjinmaoni ong•achim. Ua a•doko git ring•na sapanio mingsingbegipa aro git ring•ani a•bao bang•a changon chegipaba ong•aha.

Nagaland-ni BJP MLA, Temjen Imna Along-ba, uamang sakgni baksa jachipchang ra•giminko, X-o upload ka•ataha aro uamangni bia ka•anina nama skanikoba on•ataha, indake ong•genchimoba, uamangni bia ka•ani tarikko jinmana parakatjaha.

Indake, Zuchoben Tungoe, Sanam-na uni ning•tue aro kim•kim ong•e ka•saaniko Instagram-o seatachi parakataha.

Iakoba poraie nina man·gen: Assam a•dokko naljoke rakkina DGP GP Singh ku•rachaka

WATCH:

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub