Nongpoh, Dec 4: Umroi Constituency-ni MLA Damanbait Lamare, Night Super Bus aro gipin jrea bosturangko gate salruragipa garirangni re·rurana jakkalna miksonganio Umiam dolong sepango gital rikgipa dolongko somoi gita kam ka·enganina aro ta·rake matchotatna jotton ka·enganina kusi ong·aniko parakatan baksa contractor-ko mitelpilskaangaha.
Ia dolongko rikna gita a·dok sorkari gong kror 23-ko chamataha aro ja 24-ni gisepo matchotatchina somoiko on·atachim, indake ong·genchimoba ia project-ko a·bachengataoni ja 7 mangsan ong·engpittion kamrang aditan matchotman·aha ine nikna man·a.
Kobor ra·timgiparang baksa agangrikengon, Umiam dolongo dondikatako man·e jachange dongna nangenggipa garirang mongsongbate, Night Bus-rangni naljokgipa re·ruraanina nangchongmotgipa dolongko tarianio iandake gisik nange kamrangko ta·rake ka·enganina contractor-ko de·mitele Damanbait Lamare aganangaha.
Indake, adita bang·gija kamrangkosan ka·na nangengkua jekai rong nongani aro nitoatna taridapanirangkosa dakna nangaiengaha ine aganan baksa ia dolongko ru·utgijan jakkalna man·gnok aro iachin re·ruraenggipa manderangna adita dakchakani ong·gnok ineba ua agandapaha.
Na·simang iakoba nina man·gen:
Na·simang iakoba poraina man·gen: U•iatsoani gri Indigo-ni bang•a sildorengrangko bilatgijanichi Guwahati-oni bang•a songregiparang neng•nikaniko man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
