Guwahati, Dec 4: Bristibar salo Lokpriya Gopinath Bordoloi International Airport-o, manderangni bilnasienggipa IndiGo sildorengrangko mamung u•iatsoani gri bilatgijanichi ba somoiko ra•doatanichi songregiparang namen neng•nikaniko man•aha.
Koborrangko man•soani gitade, a•song gimiko bilna tik ka•gimin bol 100 sildorengrangko bilatjaha aro uarangoni Guwahati-an namjabatgipa obostarangoni damsa ong•aha. Bang•a songregiparangan bon•chotaosa sildoreng watgijani, kobor name on•gijani aro uamangni donsogimin somoio dakna nanggnirangko chu•sokatna man•gijaniko chagrongaha aro iani a•selan tangka-paisarangni aro dingtang dingtang neng•nikanirangko man•aha ine uamang parakataha.
“Chinga Gujarat aro Ahmedabad-oni re•baaha indiba chinga IndiGo baksa bang•a neng•nikanirangko man•aha. Chinga pilaknan somoiko tik ka•soman•ahachim indiba mamungba chu•sokjaha. Basakobade chingni ra•bitbagipa bosturango neng•nikaniko man•a, basakoba ticket-o neng•nikaniko man•a, aro basakobade sildorengko watja. Ahmedabad-oni mande saksa re•bana miksongachim indiba uni bilbanasienggipa sildorengni somoiko ra•doaha. Chinga salgittam salbrini gisepon hajalni hajal tangkarangko galaha. Chinga da•o maiko dakgen? Chingna tangkarangko on•pilna sawa jako ra•gen?” ine Gujarat-ni mande saksa aganangaha.
Una agreba airline-rang ra•bitanggipa bosturangna dingtang dingtang check-in-rangko ka•na jechake neng•nikdapaniko on•aha ineba ua aganaha.
“Chingni bosturangde sokbakuja. Angni re•bana miksonggipa sildorengkode watjaha aro angko gipinosa watatskaaha. Indakede ong•na nangjachim. Iandakgipa obostarang chingna namen neng•nikaniko on•a,” ine baggage belt-o senge dongenggipa mande saksaba an•tangni ka•onanganiko parakataha.
“Anga Kolkata-ona re•angna nangachim. Airport-ona sokani ja•mano, sildorengni bilchakani somoiko ra•doaha ine anga u•ina man•aha. Chinga kam nangchongmotgipa dongachim. Da•o pilakan neng•nikaniko man•aha,” ine sakgipin songrenasigipa mandeba aganangaha.
Salgimikni bako airline-o neng•nikanirangko man•engon, songrenasigipa manderang obostarangko talate on•ani, somoi gita u•iatani aro airline-ni dostangko ra•aniko dabiangaha.
Na·simang iakoba nina man·gen:
Na·simang iakoba poraina man·gen: Tura Me·gong International Literary Festival-ko Tura-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
