Shillong, Sep 9: Gital Shillong Water Supply Scheme-ko a•bachengna gita sorkari kam ka•enga aro ia scheme-na gong crore 700 tangkarangko chamataha ine Sombar salo, Meghalaya a•dokni Chief Minister Conrad K Sangma, Assembly-na parakataha.
Ia gital Water Supply Scheme-ko a•bachengatanichi, Shillong aro samba jolrango donggipa biaprangna chirangko chu•onga gita on•na man•gen ineba Sangma, an•tangni ka•dongchakenganiko parakaha.
Chief Minister-ni aganani gitade, salprako litre million 33 chirangko on•dapna gita Wahrynthem water project-koba sorkari tik ka•enga aro ia project-na Dawki-o donggipa Umngot chibimaoniko chirangko salbana miksongenga.
Ia sal somoirango mikkarang waa tik ong•jaenga aro ding•anirang batroroengani a•sel chiring chibisikrangko tange rakkina man•jaenga ine Opposition dolni dilgipa Mukul Sangma-ni jajrengchakaniko parakani gimin aganchakaniko on•angengon, Externally Aided Project (EAP)-rangchi buring bolgrimrangko ripingna, chiring chibisikrangko tangatpilna aro mikka chi chimongchakram biaprangko chel•chakna gita sorkari kamko ka•enga ine Chief Minister parakataha.
Ia bilsio 50 percent-ni gita mikka waanirang komiahani a•sel game ge•e cha•enggipa manderang neng•nikanirangko chagrongna nangenga ine janapatengon, iandakgipa ra•bianirangko chagrongna nangengoba sorkari, dingtang dingtang cholrangoniko a•dokni manderangna chirangko sokate on•na jotton ka•enga ine Sangma aganaha.
Iana skang, Meghalaya a•dokni PHE Minister Marcuise N Marak-ba sing•anirangna aganchakaniko on•angengon, manderangni ka•oksibee nisengenggipa Greater Shillong Water Supply Scheme (GSWSS-III)-ko re•baenggipa bilsini March jao matchotgnok ine parakataha.
Na·simang iakoba nina man·gen:
Na·simang iakoba poraina man·gen: Nepal-o jingjengatenggipa chadamberang, PM KP Sharma Oli-ni nokko so•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
