Tura, Apr 27: Garo Hills a•jao cricket kal•susaaniko gamchate ra•na a•bachengengon, gitcham Minister aro Meghalaya Infrastructure Development Corporation (MIDC)-ni chairman ong•enggipa James P. K Sangma-ko Tura District Cricket Association (TDCA)-ni Chief Advisor songaha. Ia u•iataniko, Tura-ni Alotgre-o donggipa TDCA-ni office-o Saljagring M Marak-koba advisor songani jamano parakataha.
Indake, TDCA-ni Padot D. D Shira, Sangma aro Marak-ni changa sapaniko aro experience-rangko nike uamangko advisor songaha aro iako dakanichi, Garo Hills a•jao cricket kal•susaaniko tang•doatan baksa cricket kal•na gisiko nanggiparangna chol on•aniba ong•gen ine talataha.
TDCA-ko Premier Cricket Association ineba u•ina man•bata aro uamang, a•jao bang•a tournament-rangko, trial-rangko aro camp-rangko Tura-ni Alotgre Cricket Ground-o ong•atroenga. Iandake uamangni gisiko nange aro krenge kam ka•anichi, Garo Hills a•jani cricket kal•na sapgipa chadamberangko ong•katna man•aha, jean BCCI Tournament-o Meghalaya dolni gitaba kal•susaangaha.
Indake, James Sangma, Garo Hills a•jani cricket kal•na gisiko nanggipa chadamberangni nikjagringanirangko chu•sokatanio aro a•jao cricket kal•aniko tang•doatanio, Chief Advisor ong•e uni chu•gimik bil ama dipet dakchakaniko on•anggen ine parakataha.
Na·simang ia video-koba nina man·gen:
Na·simang iakoba poraina man·gen: Manipur-o bobil dolrangni chadrapanichi sak 2 CRPF sia, sak 2 saknaatako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
