Imphal, Apr 27: Manipur a•dokni Bishnupur a•ja ning•o ga•akenggipa Naransena jolo, Kuki jat ine chanchichipenggipa bobil dolrangni boma bretate chadrapanichi Central Reserve Police Force (CRPF)-ni sak 2 sipairang siaha aro sak 2 saknaatako man•aha.
Ia sianggimin sipairangara, a•ja IRBN camp-o naljokanina duty ka•na watata man•gipa CRPF 128 Battalion batch-oni ong•achim.
Indake, ia a•sel pring seng•nachibara-o ong•aha aro ia a•sel ong•anio saknaatako man•giparangara, Jadav Das, N. Sarkar, Arup Saini aro Aftab Hussain ong•achim. Uamangoni, CRPF-ni Sub-Inspector N. Sarkar aro Head Constable Arup Saini, bilongbee saknaatako man•ani a•selo an•tangtangni janggiko gimaatna nangao ga•akaha. Jadav Das aro Aftab Hussain-ko hospitalo sanna bannaniko dakengkua aro Doctor-rangba, uamang saknaatako man•genchimoba, da•ode namkalengaha ine parakataha.
“Ia bobil dolrang waljatchini 12:30 bajimangoni silaichi gona a•bachengaha aro pring seng•nachibaraona kingking goangkuaha. Uamang grenade bomb rangkoba gona a•bachengaha, jean CRPF 128 battalion-ni camp-ona til•bae bretaha” ine a•gipi police officer aganaha.
Ia a•sel ong•anichi Manipur a•jao jajrengani aro kenjagokani ong•skaengaha, aro iandakgipa a•selrang batanggimin May 2023 bilsionin a•bachengbaaha ine nikna man•a. Indake, Imphal-ni a•kawe jolrango donggipa Meitei jatrang baksa Kuki jatrangni gisepo nanggrikani ong•engani a•selo, sak 200 gamchatgipa janggirang gimaatna nangao ga•akaha, mandesal ong•ani donggijani aro unbaksana nokgri jamgri brangatako man•tokaha.
Batanggimin salrangoba, Kangpokpi a•jani National Highway 2-ni mongsonggipa dollongko IED bomb-chi bretataniko nikna man•aha.
Na·simang ia video-koba nina man·gen:
Na·simang iakoba poraina man·gen: Deputy CM-ni noko petrol bomako godapani a•sel Shillong songjinmao chekchakaniko bilakbatata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
