Guwahati, July 26: Assam, Golaghat-o nokdangni sakgittam manderangko so·otani mamlao, Assam-ni skotong minister Pa Himanta Biswa Sarma, Butbar salo nokdangni ma·drang aro ba·rimarangko gronge uni kalimpaaniko on·angenba dos dakgipani kosako raka sastiko on·na nokdangni manderangna ka·dongataniko on·angaha.
Ia ong·anggipa obostani bidingo kobor ra·timgiparangna aganananio, skotong minister Pa Himanta Biswa Sarma, ia obosta ong·aniara namen dingtanga, maina segipani jakchi so·ota man·gipa me·chikni nogipa Ankita-ba gumetangni jakchi doka-satako man·ahachim aro iano pangchake ua angna chittiko seataha, indiba bang·a chittirangko man·sorongani gisepon uni seatgipa chittikode nikchangaha ine ua parakataha.
“Ua somoio sajinma ong·katani a·sel a·songko chipchangatani gimin obostarang dingtangskaa, jeni a·selsa anga uni chittiko poraichangaha, ong·jaode, ua chittiko SP-na watatgenchim ine talatangenba, ia mamlao anga, dosko dakgipa Nazibur-ni adagipa aro ma·gipa jak donga ine aganna gita man·jawa, indiba dostangko ku·rachakani nalsaoba police sandiataniko dakna nangchongmota ineba Pa Sarma chanchiatangko agandapataha.
Ia mamlako ning·tuen siandina gita a·bachengatgen, maina bang·a changon dosko dakgipa manderang, nokni manderangko aro ripengskarangko jokatna donmitape police-na ku·rachakronga ineba skotong minister, kobor ra·timgiparangni sing·anina aganchakangaha.
Iakoba poraie nina man·gen: Smit-o boma gopretgipa biaponiko IED-ni chinrangko man•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
