35.6 C
Tura

Manderangko ding•chaoatanio mongsonggipa mandeko police-rang rim•na man•a

Must read

Tura, July 26: Adita salrangna skang, Tura-ni Chief Minister’s Office (CMO)-o dingtang dingtang dolrang baksa Chief Minister Conrad K Sangma-ni tom•e agangrikengmiting somoio, a•palo senge dongenggipa manderangko ding•chaoate, CMO-ko ro•ong gogrimanio aro ACHIK membor-rangni okumu chake jingjengatenggipa pandalko so•chipanio mongsonggipa ong•e jak donggipa Salseng R Marak-ko police-rang rim•na man•aha.

Ia a•sel ong•ani Sombar attamo ong•ahachim aro ia a•sel ong•aonin ia mandeko rim•na gita police-rang sandiengachim.

Indake ong•engon, ia mandeni gimin koborko man•soani ja•man dingtangmancha dolsa police-rang, Damalgre-o uni dongnuchakenggipa biaponiko rim•na man•aha.

Police-rang uko rim•na re•angon, ua police-rangko niksoe kate chakna jotton ka•ahachim indiba police-rangni ta•rakbee kamko ka•anichi uko ua biapon rim•na man•aha.

Advertisement

Tura-ko Winter Capital songchina aro Reservation Roster-ko backlog policy-o ra•gatchina dabienggipani bidingo ACHIK, GSMC aro uandakgipa dingtang dingtang dolni dilgiparang baksa Chief Minister-ni agangrikengmiting somoio ia mandean, ua biapo senge dongenggipa manderangko ding•chaoatanio mongsonggipa mande ong•achim ine video-rangoniko nikna man•a.

Iandake ia manderangni so•sojengjeng ong•atanichi komibeoba sak 18 police-rang saknaanirangko man•na nangaha aro bol 21 garirang nosto ka•ako man•ahachim.

Ia a•sel ong•anina da•o dipet sak 28 manderangko police-rang rim•na man•aha.

Indake ong•engon, ia so•sojengjeng ong•anio manderangko ding•chaoatanina police-rang, Sengbath D Sangma minggipa mandekoba rim•na man•aha.

Ia mandeara, Tura-o donggipa chief minister-ni nokko jinma chadrapna aro 2005 bilsini September 30 tariko jekai Tura aro Williamnagar-o police-rang baksa dakgrike saksku manderang so•otako man•na nangahachim, apsan daken ia somoioba an•tangtangni janggirangko on•kange dakgrikchina gita social media-o manderangko ding•chaoate seatahachim.

Iakoba poraie nina man·gen: Manderangko ding•chaoatanio mongsonggipa mandeko police-rang rim•na man•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article