Tura, Jan 23: West Garo Hills Police, Gomaijhora songo jatgnini gisepo maming kajia golmal dongja aro ua jolo kenjagokaniara, ong·gija koborko man·sretani gimin ong·aha ine Bristibar salo parakataha.
West Garo Hills-ni Superintendent of Police-ni parakatani gitade, bang·a gipin jatrang Gomaijhora songona napaha jeni a·selan ua jolo songdongenggipa manderangna kenjagokani ong·aha ine January 22 tarikni attamni 7:20 bajimango koborko man·soaha.
Indake bakan Phulbari Police Station-ni Police dol ua biapona re·ange sing·sandianiko dakon, Gudibala songoni saksa Saif Ali minggipa mandeni matchuko Rajpur songoni Bablu-na palatahachim. Iani gisepon Bablu ua matchu rangko noktangona moangengmitingo, Gomaijhora songni mi a·palona matchu mangsa joke katangaha aro ua an·tangni matchuni ja·man ja·man rikangaha jeni a·selan ua jolo donggipa manderang uko matchu cha·ogipa ine chanchichipenba rim·aha aro gipinrangnaba mikrakataniko on·aha.
Iani bidingo ma·sisrete sepangjolo donggipa manderangnaba kenjagokaniko ra·baaha ine u·ina man·aha.
Iani bidingo Police-rang name am·sandianiko dakaha aro ia mande cha·ogipa ong·ja ine jinmana parakataha.
Unbaksana, jatgnini gisepo kajia golmal ong·ani, chadrapgrikani ba sakgipinna neng·nikaniko on·ani dongja, ia pilakan ma·sisretani gimin ong·aha ineba uamang janapataha.
Indake, da·o ua jolo tom·tomaniko nikna man·aha aro iandakgipa ma·sisretanirang ong·taijana gita ua jolo Police-rangkoba donataha.
Jatgnini gisepo tom·tomaniko aro ma·sichakgrikaniko rakkichina aro iandake tol·e jangbingbangataniko knachakjachina songdongenggipa manderangko mol·molatan baksa, saksa sakgipinna neng·nikaniko on·jachina songsalo mikrakataniko on·chinaba Police-rang mol·molataha.
Na·simang iakoba nina man·gen:
Na·simang iakoba poraina man·gen: Tripura-ni Lefunga-o Common Facility Centre-ko kulia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
