Guwahati, Jan 13: Sombar wal-o Special Task Force, gong kror 11 damni heroin-ko bolgni garirangoniko Amingaon-o rim·na man·aha aro ia bosturang baksa sakgni manderangkoba rim·aha.
Sepangbatgipa a·dokrangoniko a·dokona drugs salnapbaenga ine koborko man·soa bakan Additional SP Kalyan Kumar Pathak-ni dilanichi STF dol am·sandianiko a·bachengataha aro Thar AS 23 AD 6626 aro Maruti Jimny AS 01 GN 7404 gario donnue ra·aenggipa kg 1 gram 358 mang ong·e heroin gnanggipa ge 97 sabon tema-rang baksa man·aha.
Ia gariko chalaienggipa manderangara, Barpeta PS ning·o ga·akgipa Kaji Para, Pal Haji-oni Anowar Hussain Kaji (33) aro Tarabari PS ning·o ga·akgipa Haripur Chowkpara-oni Aminul Sikdar (33) ong·a ine u·ina man·aha.
Ia manderangni kosako niamo pangchake mokordomako segataha ine officialrang parakataha.
Indake, a·dok ning·o niamgri pekatgipa bosturangko bading chiwalgiparangko am·sandina STF raken kamko ka·enga.
Na·simang iakoba nina man·gen:
Na·simang iakoba poraina man·gen: ADE, WGH-o jinma chadrape so·otgipa manderangna rakgipa sastiko on·china didiata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
