Shillong, June 19: Meghalaya a·doko mikkarang dontonggija waanganichi chi bananirangko aro a·a be·anirangko bang·en nikna man·ahani gimin Meghalaya sorkari, gong kror 300 tangkarangko dakchakatchina ma·mong sorkario bi·ataha.
Robibar attamchibara, East Jaintia Hills a·jani Khliehriat-o Deputy Commissioner aro dingtang dingtang department-ni officer-rang baksa tom·e chanchirimangani ja·man iako, a·dokni Chief Minister Conrad K Sangma parakataha.
Held review meeting in #EastJaintiaHills with DC & officials to assess the damages caused in the District in the past few days. Have instructed the team to take necessary actions to restore the roads & ensure supply of essential commodities @PMOIndia @AmitShah pic.twitter.com/COHJSkcBco
— Conrad Sangma (@SangmaConrad) June 19, 2022
Batanggimin salrangni gisepo East Jaintia Hills a·jaoba mikkarang dontonggija waanganichi, chi bananirangko aro a·a be·anirangko nikna man·ahani gimin Robibar salo a·dokni Chief Minister, obostarangko nipilna gita East Jaintia Hills a·jaona re·ange, official-rang baksa tom·aniko ong·atangahachim.
Mikkarang waanio bang·en rama jal·langrang nosto ong·atako man·ahani gimin ia rama jal·langrangko taripiltaie on·na man·na gita nangrime kamko ka·china aro neng·nikanirangko man·enggipa manderangna nangchongmotgipa bosturangko suale on·china ia tom·anio ua dingtang dingtang department-ni officer-rangko didiangaha.
Mikkarang jime waanichi noksan ong·anirangko sorkarini hisape nianio gong kror 300-mang ong·aha ineba Chief Minister parakataha.
Mikkarang dontonggija waanganichi baditana kingking nangchakeaniko man·ahachim aro iarangko skango gitan ong·atpilna gita a·dok sorkari, Home Affairs Ministry-na seatenba, tangka paisarangko dakchake on·atchina mol·molataha ineba Chief Minister parakataha.
