Guwahati, Jul 25: Tripura a•doko songdongenggipa Tribal-rangni dingtang dingtang dabianirang, mongsongbate Greater Tipraland-na dabie, Tipra Motha-ni dilgipa David Murasingh, Tripura-oni Delhi-ona kilometer 2500-na batgipa ramako ja•achi re•angaha.
Ia ja•achi re•jomaniko ua, Mahatma Gandhi-ni bebera•ani gita tom•tome jingjengataniko mesokna dakaha.
Guwahati-ona sokbaani ja•man David Murasingh, kobor ra•timgipa manderang baksa agangrikengon, uamang July 5 tarik dipet Tripura-oni re•chakatangaha aro uamangni re•jomanio Tripura-ni manderangsan ong•aigija Meghalaya a•dokni manderangba cha•ani ringani aro dongchakanirangko on•e dakchakaha ine aganaha.
Unbaksa King Vishwamanikya-ba re•jomanio bak ra•enga ine janapatengon, Mahatma Gandhi-an ja•achi re•e India a•songko jakgitel ong•atna man•genchimode uamangba, Tripura a•dokni nanganirangko chu•sokatna man•aigen ine David, an•tangni ka•dongchakenganiko parakaha.
Tripura a•doko songdongenggipa Tribal-rangni dabianirangko janapatengon, Greater Tipraland-na dabiani, Tipra Accord-ko chu•sokatani aro salgro salaram a•dokrango Bangladesh a•songoni napdrabae niam gri songdong a•chaanirangko champenganian ong•a ine David parakataha.
Na·simang iakoba nina man·gen:
Na·simang iakoba poraina man·gen: Scindia, Salgro Salaram jolni MP-rangko dal·a namgniko ra·bana man·gipa nangchongmotgipa project-rangko sandichina u·iata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
