Williamnagar, Nov 3: Garo Students Union (GSU) Eastern Zone (EZ) Williamnagar-ko dilna gita seokako man•gipa gital president Goera R Sangma aro gital general secretary Alex D Shira, kamtangtangko name ka•angna gita Sukrobar salo, jinmani mikkango ku•mikchetaha.

Uamangko ku•mikchetanio, GSU EZ-ni gitcham president Saljrang Tengrik R Marak dilangaha.

Ia program-ko Taison D Shira, chairman ong•e dilangaha aro tom•anio, GSU Mangsang regional unit-ni president Barnawel R Sangma-ba jinmana aganprakengon, GSU-EZ-ni gital president aro general secretary baksa ku•mong nangrime kamrangko ka•angna gita ku•rachakaniko on•angaha.

Ia tom•anio GSU-EZ-ni gitcham president Saljrang Tengrik R Marak-ba jinmana aganprakengon, GSU-EZ-ni gital president aro general secretary-na agan-ku•pattianirangko on•angenba, uni matchotgija donanggipa kamrangko matchotatchina aro jolni namgnina kamrangko ka•angchina gita ku•pattianirangko on•angaha.

Ia program-ko ong•atanio Simsanggre-ni Associate Pamong Rexwel R Marak, Isolni namgipa kattarangko aganprakangenba, gital dilgiparangna aro GSU-EZ gimiknan Nokgipa Isolo bi•chakangskaaha.

Iakoba poraie nina man·gen: Garokoba 8th Schedule-o napatchina ALS, ma•mong sorkariko didiata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub