Boko, May 30: Assam–Meghalaya border-o dongipa Hahim songoni sak 50 ong•nasiplie tribal me•chikrang Pradhan Mantri Janjatiya Vikas Mission-ni ning•o Van Dhan Value Addition Programme-ni gita dakchakaniko man•e janggitangna gital chorangko man•enga.
Ia me•chikrang, buringoniko man•gipa ma•manti cha•ani ba biterang jekai bija bitchi, me•su samjak, che•eng aro te•brongrangko indakean palrongaiachim. Ja•man Indian Institute of Entrepreneurship-ni gita training ba skie on•anirangko man•e, da•o uamang sabon, papor , cha•anirangko aro agarbatti-rangko tarie palnagitaba skie on•anirangko man•engaha.
Gitcham chasongni dakbewal-ko ja•rike, me•chikrangna an•tantangna cholrangko dake cha•na man•atna miksonge, TRIFED-ni dakchakanichi, Assam Plain Tribes Development Corporation-ni gita ia program-ko a•bachengate on•angaha.
“Ia program-ara chingna ma•mati buringoniko man•gipa cha•ani ba bite rangoniko, cha•ani tarina, skie on•anirangko dake janggitangna cholrangko bikote cha•na dakchakaniko ka•donganiko on•enga”, ine trainingo bak ra•gipa saksa, Anamika Rabha minggipa aganangaha.
Skie on•engipa Renu Deuri, “me•chikrangna chinga, maidake cha•anirangko tarina, depna aro uamangni bosturangko badingna skie on•anirangko dakenga”, ine aganangaha.
Bang•e me•chikrang, self-help groups-ko bikotenba an•tangtangna chonbegipa businesses -ko a•bachengna gita miksongtokenga. Gipinrangara uamangni u•iani ma•sianiko, re•baengipa chasongrangna skie on•nagita nichaksakenga.
Ia porgram-ara ua jolni me•chikrangna, janggitangna cholrangko bikote cha•nagita, ka•donagniko aro an•tangtango pangchakniko man•ataha.
Iara me•chikrangna , mikkangchi uamangni janggitanganiko nambate rikna gita dakchakani on•gen, ine official-rangba aganangaha.
Na·simang iakoba nina man·gen:
Na·simang iakoba poraina man·gen: M’laya-Assam-ni simarango tom•tomaniko ra•bana Conrad, Assam CM baksa agangrika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
