Shillong, May 29: Sukrobar salo, Meghalaya a•dokni Chief Minister Conrad K Sangma, a•dokni Deputy Chief Minister Sniawbhalang Dhar baksa Assam-ni Chief Minister Himanta Biswa Sarma-ko uni office chamber-o grongenba, Lapangap jolrango so•sojengjeng ong•anirangko namatna aro Assam-Meghalaya a•dok damgnini simarango tom•tomaniko ra•bana agangrikangaha.
Ia tom•anio a•dok damgnini dilgiparang chanchirimengon, a•dokni simarango ong•enggipa obostarangko apsan chanchirime namatna aro pangkamgipa tom•tomaniko ra•bana tik ka•grikangaha.
Chief Minister Conrad K Sangma-ni aganani gitade, Assam-ni Chief Minister baksa agangrikani chu•sokgipa ong•aha aro uamang sakgnian, a•dok damgnini simarango tom•tomaniko rakkiangna ku•rachakgrikangaha.
Assam aro Meghalaya a•dok damgnini manderangkon tom•tomaniko rakkiangchina aro pangkamgipa cholrangko man•kujaskal ku•cholsan nangrime kam ka•china gitaba Sangma didiataha.
A•dok damgnini simarango ong•enggipa obostarangko apsan nangrime namatna aro mikkangchi nangrime kam ka•angkuna ku•rachakaniko on•ahani gimin ua, Assam-ni Chief Minister Himanta Biswa Sarma-koba mittelpilangaha.
Na·simang iakoba nina man·gen:
Na·simang iakoba poraina man·gen: Umshyrpi dolong sambao police station aro fire service-ko kulina miksongenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
