Shillong, May 29: Shillong songjinmani Umshyrpi dolong sambao gital police station aro fire service station-ko kulian baksana ia apsan jolni gnigipa biapo Tourist Information Centre aro Upper Shillong-ni headmen ba dilgiparangna community office-ko kulina miksongenga ine Sukrobar salo, Meghalaya a•dokni Deputy Chief Minister Prestone Tynsong, ia biaprangko niangani ja•man, kobor ra•timgiparangna parakataha.
Tynsong-ni parakatani gitade, ia jolo gital police station, fire service, Tourist Information Centre aro community office-ko kulina biaprangko nichengna gitasa ua ia biaprangko nina re•baaha.
Ia biaprangko niangani somoio Tynsong baksana dal•dalgipa police officer-rangba dongpaaha.
Ia jolo Tourist Information Centre-ko nangengani gimin janapatengon, Upper Shillong-ni Synjuk Ki Rangbah Shnong ba gittimko dilgiparang, ia biapo komibeoba square feet 2000-mangni gita a•arangko on•china sorkariko mol•molahani gimin, ia biapo gittimni dilgiparangna office ba community hall-ko kulie on•na tik ka•aha ine Deputy CM parakataha.
Kamrangko ta•raken a•bachengatna man•na gita ua department-ni official-rang baksa bakan tom•aniko ong•atgen ineba Tynsong ku•rachakaniko on•angaha.
Ia ramako four-lane dake tariahani gimin gari gorarangni apchangket ong•aniko komiatna man•aha ine janapatengon, ia ramako four-lane dake tarina skangde 7th Mile-oni Umsyrpi dolongona minute 45 aro basakobarangde kontasa bateba nangaiachim indiba da•ode Umshyrpi dolongoni ia ramani bon•aona minute 6 ba minute 7-mangsan nangaiaha ine Tynsong aganaha.
Ia biapo Tourist Information Centre-ko kulianichi, dingtang dingtang biaprangona re•angenggipa tourist-rangna bang•en namgni ong•gen ineba ua aganaha.
Na·simang iakoba nina man·gen:
Na·simang iakoba poraina man·gen: Manipur-ni Ukhrul sambao donggipa NH-202-o golmal ong·anio saksa sia, sak 6 saknaako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
