Imphal, May 29: Sukroba salo, Manipur, Ukhrul a·jani TM Kasom sambao a·paloni re·bagipa truck gari salgipa driver-ko so·otan baksana chanchichipenggipa bobil dolrangni police officer-ko slai goe saknaatani a·sel gital so·so jengjeng ong·atanirangko ra·baaha. Ia ong·a obostara, chel·chakgipa dolrangni Imphal-Ukhrul Road NH-202-ko kulipiltaie, nanga bosturangko salgipa garirangko Ukhrul jillaona sokatna jotton ka·mitingo ong·aha.
U·iatani gitade, chel·chakgipa dolrang ramao champengatgiparangko ra·galenba, jingjengatgipa dolrangko maniatna jotton ka·engmiting somoiosa Shangkhai Kuki song sambao chanchichipenggipa bobil dolrang guli gona a·bachengaha.
Litan Police Station-ni saknaa man·gipa police officer-ko sengpangjolo sana bananiko on·a ja·man una nambata sana bananiko on·a Jawaharlal Nehru Institute of Medical Science-ona rimangaha. Indake ong·engon, chel·chakgipa dolrangni jinmako katatna tear gas gogipani bikoprang nange sak 5 kuki me·chikrang saknaako man·aha ine Shangkhai Village Authority a·kangataha. Ia saknaa man·gipa me·chikrangna ja·mano chel·chakgipa dolrangan sana bananiko on·angaha.
Authority-rang, obosta ong·gipa biapona chel·chakgipa dolrangko watdapatan baksana kenchakbatna nanggipa Litan-Ukhrul sector-ni NH-202-o am·sandianirangkoba a·bachengataha.
Na·simang iakoba nina man·gen:
Na·simang iakoba poraina man·gen: GHADC-ni gital Conference Hall-ko kulia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
