Tura, May 29: Garo Hills Autonomous District Council (GHADC)-ni gital Conference Hall ba Committee Hall-ko Sukrobar salo, GHADC-ni Chief Executive Membor (CEM) Dhormonath Ch Sangma, nokdonggae on•angaha aro ia gital Conference Hall-ko nokdonggaanio, GHADC-ni Deputy CEM Stevie M Marak, gipin Executive Membor-rang, MDC-rang aro GHADC-ni official-rangba dongpae bak ra•angtokaha.
Ia Conference Hall ba Committee Hall-ko kuliani bidingo GHADC-ni CEM, kobor ra•timgiparangna talate on•angengon, batanggimin bilsirangonin Executive Committee aro GHADC-ni membor-rang, nangchongmotgipa tom•anirangko ong•atna aro chanchina nanganirangko chanchina gita biaprang dongjani gimin da•alo ia gital Conference ba Committee Hall-ko kuliaha ine parakataha.
Ia gital Conference Hall-ko nokdonggaani apsan salon Executive Committee-ni skanggipa tom•anikoba ong•atangaha aro ia tom•anio chanchirimanirangko kobor ra•timgiparangna talate on•angengon, GHADC-o Service Rule-ko ra•gatani, Revenue Department-ni gital system-ko ra•gatani, GHADC-ni Platinum Jubilee-ko maniani, pilak Executive Membor-rangna personal assistant-rangko rakkiani, MDC-rangni salary, Chibinang Haat aro gipin nangchongmotgipa kamrangni bidingo chanchirimangaha ine Sangma parakataha.
Na·simang iakoba nina man·gen:
Na·simang iakoba poraina man·gen: Post Matric Scholarship (ST) Beneficiaries-rangna, dingtangmancha Special Interaction Session-ko Shillong-ni Lok Bhavan-o ong•atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
