Shillong, Jylliew 20 : Ka Meghalaya kala pynkylla ia ka jingtreikam jong ki Externally Aided Project, ha kaba ki riewshem phang trai shnong kila pyniaid hi mynta ia bun na ki kam consultancy, ong u Myntri Rangbah Conrad K Sangma ha ka sngi Saitjain.
Haba kren sha ki lad pathai khubor hadien ba kut ka seminar ba arsngi halor ka phang “Leveraging Externally Aided Project in the North East”, u Conrad ula ong ka jingpynroi ia ka bor treikam ha kine ki shiphew snem bala leit noh kala pynduna ia ka jinshaniah ia ki riewshemphang kiba nabar ka Jylla.
“Haba sdang ngi hap ban wanrah ia ki riewshemphang na shabar, jan 90% mynta ki riewshemphang ki dei na Jylla. Ki dei kiba la ioh jinghikai bad bun ki briew kiba trei ha kine ki Externally Aided Project lait noh ia katto katne ki kyndan ba donkam, kiba bun hi ki dei ki trai shnong” ong u Myntri Rangbah.
Ula ai burom ia ka jingwan tuid ki project sha ka jingkynshew ba khlem sangeh jong ka Sorkar Pdeng ha ka thain Shatei Lam Mihngi ha kine ki 12 snem.
“Lada ngi iohi shisha ia kano kano ka jingkynshew ba shispah bad ka roi ka par kaba la jia ha kine ki 12 snem bala leit, ka dei tad hadien bala shimti u Myntri Rangbah Duh Narendra Modi….kala don ka jingpynleit jingmut ba kyrpang ia ka thain Shatei Lam Mihngi ka bym pat ju jia mynno mynno ruh” ong u Conrad.
U Myntri Rangbah ula batai ba ki skhim kum ka SASCI bad EAP ki dei kiba iasoh bad ki jingkylla bad kiba hap iaid kat kum ka rukom long ha ka pyrthei.
U Myntri Rangbah ula ong ba ki riewshemphang trai Jylla kin iarap ia ka Jylla ban ioh kham bun iaki skhim ka Sorkar Pdeng bad pyntrei khambha ia ki project nangne shakhmat.
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
