Jowai, Oct 06: West Jaintia Hills a·jani ning·o ga·akgipa Shangpung PHC-ko Community Health Centre (CHC)-ona ra·doatna gita Butbar salo Community Hall-o tom·aniko ong·atangenba jolangni MLA Pa Comingone Ymbon-ni dongpaanio Meghalaya-ni Health Minister Pa James Sangma-ni jakchi pangchakani ro·ongko songe on·angaha. Tom·aniko DM&HO Dr. A Ajhar-chi dakdilangaha jeon rimchaksoani kattarangko West Jaintia Hills-ni Addl. DM&HO, Dr. B Challam aganangskaaha. Ia gital riknasienggipa CHC nokko man·ani ja·man sagiparangko sanchakna gita ge 30 palangrang donggen aro sakbri specialist doctor-rangba donggen.

Tom·ao jinmana aganprakatengon, Shangpung songni aroba wilwilao donggipa songrangni manderangna ia salara gisik ra·na krabegipa ong·chongmotgen aro iandaka sana-banani cholrangko man·pagijagiparangna ia CHC bang·en namgniko ong·gen ine joltangni MLA Pa Comingone Ymbon aganangaha.

Tom·anio mongsongipa sokgipa ong·e bakko ra·angenba a·dokni minister Pa James Sangma, Health Department-o minister ong·e kamko jako ra·chatani ru·utgijan joltangni MLA, PHC-ko ra·doatani bidingo uko baditaba changrangna gronge agangrikangaha ine u·iataha.

Indake ong·engon, a·dokni skotong minister Pa Conrad Sangma-ni dilanichi ua songo donggipa PHC-ko CHC-ona ra·doatna man·anina a·joltangni MLA Pa Comingone aro a·dokni minister Pa James-maang sakgnian a·dokni skotong ministerko mittelpilangaha.