Shillong, Dec 2: Hynniewtrep Integrated Territorial Organisation (HITO) dol, Ministry of Environment, Forest and Climate Change (MoEFCC)-ko Meghalaya, East Jaintia Hills-ni Daistong-o Shree Cement Integrated Cement Plant-ko rikna a·bachengatgipa pilak kamrangko ta·raken dontongchina didiataha.
HITO-ni President Donbok Dkhar, ia project-ara mi a·palrangna, chiring chibisikrangna aro jolo jatni bewalo game ge·e cha·giparangni janggi tanganiko pangna jolna nosto ong·ataniko ra·bagen ine aganangaha. Uamangni dol, balwako rongtalgija ong·atani, bang·e chirangko bikongkatani aro gama ge·anina jakkalgipa a·arangko pangna jolna gimaatanina jajrenganiko parakataha.
Ia project-ara, samtangtango donggipa biaprang ba gama ge·anio pangchake janggi tanggipa jolni manderangna kragipa ong·ja ine Dkhar u·iatangaha. HITO dol, ma·mong sorkariko ia project-na samtangtango donggipa buring bolgrimrangko den·rimrimaniko dontongchina aro Daistong-ni mi a·palrang aro samtangtango donggipa biaprangko naljoke rakkianiko nangnike dabiataha.
Iani gisepon, ia plant ba karkanara Daistong songoni 0.82-oni 1.4 km mangmangsan chel·aiani gimin ia biapara project-ko rikna kragipa ong·ja ineba ua janapataha. Indake ong·engon, Single Window Agency (SWA)-ara maini gimin samtangtango donggipa aro jolo game ge·e janggi tangenggiparangna nangchakeaniko chanchigija ia project-na ra·chakaniko on·aha ine HITO sing·doaniko dakataha.
HITO dol, namroro silroroaniko ra·bagipa project-na chakpaaniko on·a indiba, samtangtango donggipa aro jolo songdonggipa manderangna nangchakeako ra·bagipa project-rangkode jegala ine u·iatengon, bebe gita sorkari ia project-ko dontonggija kamrangko ka·angkuna jotton ka·a ong·ode, uamangni dol aro jinma manderang niamni gita raken ja·ku de·aniko dakanggen ine Dkhar mikrakataniko on·ataha.
Na·simang iakoba nina man·gen:
Na·simang iakoba poraina man·gen: Nengsa A•pal skulni chatrirangna ‘Self Defence’-ko skie on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
