Tura, July 13: Social media-o HIV-ni bidingo tol·e jangbingatani a·sel Tura-ni Hawakhana Junction-o donggipa petrol pump sepango fast food dokkan dake cha·enggiparangna namen noksanko ra·baaha.
Batanggimin somoio, ia Hawakhana Junction-ni petrol pump sepango dokkan dake chicken pakora palgiparangoni HIV sabisi man·gipa dongaha ine tol·e jangatenba ua dokkanrango cha·anirangko cha·jachina didiani kobor social media-o giproroaha. Ia tol·e jangatgipa kobor ta·raken Tura songjinmao giproroaha jeni a·selan ua dokkanrangona cha·ani cha·na re·bagipa manderang namen komijolaha ine nikna man·a.
Hub News baksa agangrikengon, iandake tol·e jangbingatani a·sel uamangni badingchiwalanio namen noksan ong·enga, da·alo uamang gong ritchabonga mang·mangkoba man·a neng·engaha ine aganan baksa uamangni gisepo darangba AIDS sabisiko man·gipa dongja uni gimin ia tol·gipa koborko darangba bebe ra·jachina ine fast food dokkan-ni nokgipa Anukul Rishi aganaha.
Ua jolo dokkan dakenggipa sak 7 ba 8 mangni gita dokkan malikrang iani bidingo Tura Police Station-o FIR-ko ka·aha aro Authority-rangba ia koborko sawa a·bachenge jangbingatchengaha sandianiko dakenga.
Iandake sakgipinni janggi tangani cholrangko nosto ka·gnigipa aro manderangna kenjagokaniko ra·bagnigipa koborrangko ma·sichenggija giproroatjachina jolo donggipa manderang aro bree cha·enggipa manderangko Authority-rang mol·molataha.
Na·simang iakoba poraina man·gen:
Na·simang iakoba poraina man·gen: Aalekh Foundation Women Achievers’ Award-ko ong·atanio Khasi ki·tap serakgipa Bijoya Sawian-na award-ko on·anggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
