Shillong, July 13: Re·baenggipa July jani 19 tariko, 3-gipa Aalekh Foundation Women Achievers’ Awards-ko Delhi-o ong·atanio, Meghalaya a·dokni ki·tap seanio namen mingsingbegipa, gipin ku·sikoniko gipin ku·sikona pe·timgipa aro jatni dakbewal rikbewalrangko ra·dogipa Bijoya Sawian-na award-ko on·anggen. India a·songni dingtang dingtang a·dokrangoniko uamangni gamchatbegipa kamrangna sak 20 seoka man·gipa me·chikrangoni Sawian-ba saksa ong·paa.
Bijoya Sawian, uni sea jotanina aro Khasi jatni dakbewal rikbewalrangko naljoke rakkian baksana ra·dona dakchakaniko on·anina ia award-ko man·enga. Uni mingsinggipa ki·tap segiparangoni mitamrangara, The Teachings Of Elders, The Main Ceremonies Of The Khasis, Shadow Men aro Hill Songs Of Love and Longing in·gipa ki·taprang ong·a.
Ia Aalekh Foundation-ko a·bachengatgipa, Dr. Rennie Joyy, Bijoya Sawian-ni segipa ki·taprangara namen gamchatbegipa dingtanganiko tom·tome, nama bewalo aro orto gnanggipa bewalo ra·bana dakchaka ine aganangaha.
India-ni Attorney General, R Venkataramani aro Supreme Court-ni Judge gitcham, Justice Sanjay Kishan Kaul ia tom·bimonganio bak ra·angpagen. Ia award-koara, an·tangtangni kamni a·bao name dakgipa aro songsalko, jatni dakbewal rikbewalrangko aro a·songko namdapatna dakchakaniko on·gipa me·chikrangna mande ra·na miksonganio on·ani ong·a.
Na·simang iakoba poraina man·gen:
Na·simang iakoba poraina man·gen: Chijanggi Youth Club, Substance Abuse Awareness Program-ko DBC, HSS-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
