Tura, July 13: Chijanggi Youth Club, “Substance Abuse Awareness Program”-ko Don Bosco College, Higher Secondary Section-o Sonibar salo ong·atangaha.
Ia program-ko, pekatgipa bosturangko jakkalanichi mandena mai namgijaniko ra·baa aro baditana kenchakani ong·a iarangni bidingo u·iataniko on·a aro mikkangchi songsalko drugs jakkala grigipa ong·atna nangrime kam ka·na ku·monganiko on·a miksonganio ong·ataha.
Tura-ni Social Welfare Officer Madona T Sangma jinmana aganprakengon, institution aro songsalo iandakgipa awareness program-rangko ong·ate manderangna mikrakataniko on·anichi drugs aro uandake gipin pekatgipa bosturangko jakkalaniko komiatna jotton ka·ani gimin agantale on·angaha.
MBOSE HSSLC Branch-ni Deputy Director ong·enggipa Balmuri K Marak-ba, drugs jakkalaniko bon·atna gita an·tangtangni dakgni kamrangni gimin aganan baksa dingtang dingtang drugs-ni rokkomrang aro uarangni mandena namgijako ra·baani gimin talate on·angskaaha.
Indake Tura Police Station-ni Circle Inspector Bitching N Marak, drugs badingsrukgipa manderangni kosako niam bidikrango pangchake sasti on·ani gimin janapatan baksa, a·ja ning·aona niamgri badingsrukenggipa drugs-rangko maikai authority-rang ma·sina ma·na uarangko talate on·angaha. Unbaksana, Tura songjinmao maikai drugs-rangko badinggiparang ra·napbaenga aro maikai tangka paisarangko watgrikengachim uarangni bidingoba ua talataha.
Iandake badingsrukenggipa drugs-rang jekai heroin, ganja, opium aro uandake dingtang dingtang rokomni drugs-rangko rim·ani bidingo janapatan baksa NDPS Act aro niam gita badingsrukgiparangko sasti on·aniko aro uamangna ku·pattia gnang dakchakaniko on·anio bilakbatatna jotton ka·engani giminba Bitching, agantalate on·aha.
Ia tom·anio Tura-ni MDC Bernard N Marak-ba bang·gija kattarangko jinmana aganprakangaha.
Na·simang iakoba poraina man·gen:
Na·simang iakoba poraina man·gen: India-Myanmar sima ari sambao donggipa camp-ko Indian Armed Forces-rang drone-chi chadrapaha ine ULFA-1 matnangataha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
