Shillong, April 19: Bobil dake chakatgipa dol Hynniewtrep National Liberation Army Council baksa tom•tomanina agangrikna a•dok sorkari kang•kare kamanaha ine dakchakgipa skotong minister Prestone Tynsong aganaha. “A•dok sorkari uamang baksa agangrikna ku•baltigipako rakkimanaha, uamang baksa baditana kingking namenga uko sandie kam ka•gnok. HNLC bobil dolrangba, Hynniewtrep National Youth Frontni skotong Sadon K Blahko iani gimin agangrikna donsomanaha” ine kobor ra•timgiparangna minister talataha.