Shillong, Sep 29: Meghalaya a•dokni saksa gitcham dilgipa Hoping Stone Lyngdoh-ni 10-gipa siani salko maniani bak gita Sombar salo, ‘Individual and History: A Biography of Hoping Stone Lyngdoh (1929–2015)’ ingipa ki•tapko a•dokni Chief Minister Conrad K Sangma oprake on•angaha.
Ia ki•tapara, Meghalaya a•doko saksa niksengbatsranggipa aro mande ra•ako man•batsranggipa dilgiparangoni saksa Hoping Stone Lyngdoh-ni janggi tangani gimin Dr David Arnold Kharchandy-ni segipa ki•tap ong•a aro ia ki•tapko seanichi Lyngdoh-ni kamrangko gisik ra•attaiahani gimin a•dokni Chief Minister, Dr Kharchandy-ko mittelpilangaha.
Ia ki•tapara, a•dokni saksa mingnambegipa dilgipako gisik ra•na seanisan ong•aigija a•doko gitcham itihasrangna on•gilani gitaba ong•aha ineba Sangma aganaha.
Ia ki•tapo Dr Kharchandy, Hoping Stone Lyngdoh-ni politics-o kamrangko a•bachengani, uni miksongani aro uni kamrangko gisik ra•na gita seaha aro ian a•dokni chatro chatrirangna aro a•doko songdongenggipa pilak manderangnan jakkaltobegipa ki•tap ong•gen.
Na·simang iakoba nina man·gen:
Na·simang iakoba poraina man·gen: Bania wario dambe sripe siagipako manpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
