Shillong, Sep 29: Meghalaya a•doko Rong•mesak bikotaniko a•dok sorkari raken jegala aro maming dakeba bikotna on•jawa ine a•dokni Deputy Chief Minister Prestone Tynsong parakataha.
Meghalaya a•doko rong•mesak aro a•ningni ma•manti gamrangko bikotna public hearing ba manderang baksa chanchirimanirangko dakna nangjana gita re•anggipa September-ni 8 tariko Ministry of Environment, Forest & Climate Change (MoEFCC)-ni Office Memorandum (OM)-ko on•aniara, a•doko rong•mesak bikotdrana miksonganiko mesokanisa ong•enga ine dingtang dingtang political dolrang aro NGO-rang chanchichiptokengani gimin a•dokni Deputy Chief Minister, ia talataniko on•angaha.
Meghalaya a•doko rong•mesak bikotaniko jegalna gita Assembly-ni Special Session-ko ong•ate resolution-ko ra•china gitaba dingtang dingtang dolrang dabitokengachim.
Iandake kenchakanirangna aganchakaniko on•angengon, “MoEFCC-ni on•gipa OM-na manderang kenna nangjawa maina a•doko rong•mesak bikotaniko a•dok sorkari raken jegalenga,” ine Tynsong aganaha.
Meghalaya a•doko a•a-chirangko Constitution-ni Sixth Schedule ning•o chel•chakani gimin a•arangara autonomous district council, Nokmarang aro a•doko songdongenggipa Tribal-rangni ning•osa ong•a ine janapatengon, manderangni permission gride a•dok sorkari, maming dakeba rong•mesak bikotna on•na man•jawa ine Tynsong parakataha.
Nanggenchimode Meghalaya a•dokko MoEFCC-ni Office Memorandum-oniko watchina a•dok sorkari, ma•mong sorkarina sedoatgen ineba Deputy CM ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Hoping Stone Lyngdoh-ni gimin segipa ki•tapko CM oprake on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
