Kohima, Dec 15: Nagaland-ni mingsingbegipa Hornbill Festival-ko, Kisama-o ong•ataniko nina gita sak 1.54 lakh manderang re•baaha. Ia manianiko nina gita gipin a•songoni tourist-rang aro a•songtangni dingtang dingtang a•dokni tourist-rangba re•batokaha.
Nagaland Tourism Department-ni u•iatani gita de, batanggimin bilsina bate ia bilsio re•bagipa tourist-rang sak 13,758-mangni gita tang•doahachim aro chu•gimik sak 1,54,057 manderang re•batokaha inenba nikna gita man•aha. Iarangoni, a•doktangni re•bagipa manderang sak 1,14,860, a•songtangoni re•bagipa tourist-rang sak 37,089 aro gipin a•songoni re•bagipa tourist-rang sak 2108-mang ong•achim.
Indake ia manianiko December jani 1 tarikoni a•bachengate sal 10-na ong•atangaha.
Ia manianio, mongsongbate Nagaland a•dokni ning•tugipa jatni dakbewalrangko, ganding chindingrangko aro a•dokni nitoaniko gamchate ra•aniko sakgipinrangna mesokna inenba maniani ong•achim.
Hornbill Festival, ian manianirangoni maniani ong•a jeon, pilak jatrang re•bae ku•cholsan an•tangtangni jatni dakbewalrangko, chrok mesaaniko, doka dam•aniko aro dingtang daka rikaniko mesokna gita cholko on•ani ong•achim. Indake ia manianiko, nitobegipa do•oni bimungchi Hornbill Festival ine donaha.
Ia manianiko ong•atanichi, Nagaland a•dokni dingtang dingtang cha•anirang, sika koanirang, jatni ring•anirang, chrok mesaanirang aro ganna chinnanirangko nikna gita cholko man•aha.
Iakoba poraie nina man·gen: CM Conrad Prime Minister aro Finance Ministerko gronga, Meghalaya a·dokna dakchakaniko man·dapangkuna ka·dongsoa
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
