Shillong, Dec 15: New Delhi-o donggipa Ministry of Home Affairs-ni police officer dakmike, ministry-ni ning·o sak 200 manderangna kam on·na ku·rachakgipa Richard Tiplang Swer-ko Meghalaya a·dokni police-rang rim·aha.

Ia mandeni kosako badi ka·doanggipa manderangni parakatani gitade, ia mande an·tangko Ministry of Home Affairs-ni police officer ine manderangna togienba, bang·a manderangnan kamrangko on·na ku·rachake, uamangni tangka paisarangko dabie ra·ahachim.

Tangkarangko on·ani ja·man ia mandeni nokona re·ange uko sandigenchimode ua Delhi-osa ine uni jikgipa pangnan togirongskaa aro uandaken manderangoni katna jotton ka·rongachim.

Uni ku·rachakgipa kamrangko aro una gamgimin tangka paisarangko gimaatna sikjae, cha·bokako man·gipa manderang, Swer-ni kosako badi ka·chipgija dontokaiahachim indiba indita jarangni ja·manoba kamrangko man·jae aro ukoba grongchipna man·jahani gimin adita sak manderang, Swer-ni kosako Lumdiengjri aro Mawlai police station-o badi ka·doangaha.

Manderangni FIR ka·ako man·soani ja·man Swer-ko aro uni jakkalenggipa sorkari garikoba police-rang rim·na man·aha.

Iakoba poraie nina man·gen: Sima-ari ga·bate mongma kal·aka: South Garo Hillsni saksa saknaa man·a, uko Ampati Civil Hospitalona ra·anga.

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub