Shillong, July 26: Hills State People’s Democratic Party (HSPDP) dol, Meghalaya a·doko Khasi ku·sikko official language dakatna a·dok sorkario dabianiko dakangtaiaha. Skotong Minister Conrad K Sangma baksa tom·bimonganiko ong·ata jaman, HSPDP-ni President, K. P. Pangniang, party-ni gita uamang Khasi ku·sikko official language-rangoni ge·sa dakatchina dabiani gital lekkako a·dok sorkarina on·angaha ine parakataha.
Khasi ku·sikko official language dakatanian uamangni party-ni mongsongbatgipa ku·rachakgiparangoni ong·a ine Pangniang aganengon, ian Khasi ku·sikko agangiparang, mongsongbate dingtang dingtang competative porikkarangko segipa chatro chatrirangna dakchakani ong·gen ineba ua talate on·angaha. Constitution-ni Eight Scheduled-o Khasi aro A·chikkuko chapatna ku·pattianina chakpaaniko on·anina sorkariko demitelangengon, a·dokni manderang office-tangtangon Khasi ku·sikrangko officially jakkalchengna nanga ineba ua aganangaha.
A·doko da·o dipet English ku·siksan official language ong·ani gimin, ian Meghalaya a·doko songdonggipa manderangni chong·mot ong·aniko mesokja ineba ua aganangkuaha. Skotong Minister iani bidingo nama aganchakaniko on·an baksana iani bidingo name chanchibewalaniko dakna ku·rachakanikoba dakangaha ine Pangniang agandapangkuaha.
Una agreba, a·dok sorkari Khasi aro A·chik ku·sikko Constitution-ni Eight Schedule-o napatchina ma·mong sorkariko changni chang gisik ra·atpiltaianiko dakchinaba ua u·iatangan baksana ian manderangni chong·mot ong·ani aro ka·donganina namen gamchatbegipa ong·a ineba ua talate on·angkuaha.
2018 bilsio, Meghalaya Legislative Assembly-o Khasi aro A·chikku-ko Constitution-ni Eight Scheduled-o napatna ma·mong sorkario mol·molaniko dakna resolution-ko namnike ra·chakangaha, indiba da·o dipet iani bidingo maming ja·ku de·anirangko nikna gita man·kujaenga.
Na·simang iakoba nina man·gen:
Na·simang iakoba poraina man·gen: MFD, Indo-Bangladesh sima ari jolo niam pe·anirangko champengna awareness program-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
