Shillong, Mar 26: Garo Hills Autonomous District Council (GHADC) election-o Tribal ong•gijagipa manderangni bak ra•aniko jegalanio A•chikrangna bakrimaniko on•na gita re•anggipa March-ni 11 tariko, Confederation of Meghalaya Social Organisations (CoMSO)-ni Shillong songjinmao jinma tom•bimonganiko ong•atanio, ding•chaoatani kattarangko aganaha ine FIR ka•ani ja•man, Hynniewtrep Youth Council (HYC)-ni president Roykupar Synrem-ko Bristibar salo, sing•sandina gita Lumdiengjri police station-o mikkangpaataha.
Ia tom•bimonganio Synrem-ni aganprakgipa kattarangara, manderangko ding•chaoate a•doko so•sojengjeng ong•aniko ra•bana man•a ine uni kosako Sub-Inspector M Khardewsaw, FIR ka•aha.
“An•chingni A•chik jong-adarang, an•chingni dakchakaniko nanggenchimode chingaba uamang baksa dakgrikrimpana man•aigen,” ine HYC president, jinma tom•bimonganio aganaha aro ua silchidarerangko keani giminba janapahani gimin ian manderangko ding•chaoatna man•a ine uni kosako police-rang FIR ka•aha.
Police-rangko mikkangpaeani ja•man Synrem, kobor ra•timgipa manderang baksa agangrikengon, uni agangipa kattarangara Garo Hills-o ong•enggipa obostani giminsa aganaha aro uni aganprakanio ua, A•chikrangna chakpaaniko on•esa aganaiaha ine talataniko on•angaha.
Silchidare keani bidingo an•tangni janapaniko talatskaengon, ua A•chik jong-adarang baksa bakrime warachakanikosa miksonga aro manderangko ding•chaoatna miksongani dongja ine HYC president aganaha.
Uni aganprakgipa kattarangko social media-o giproroatgipani gimin janapatskaengon, sawa iako social media-o gipataha ua ma•sija indiba uni aganprakanio ua Tribal-skana warachakani aro bakrimaniko on•ani giminsa aganaha ine Synrem talataniko on•angaha.
Synrem-ni kosako police-rang, IPC-ni Section 196(1)-ni ning•o mokordoma ka•aha.
Indake ong•engon, Constitution-ni Article 14-ko ja•rikchina gita ua, police-rangkoba didiatskaaha aro Tribal-rangni kosako ding•chaoatani kattarangko agangipa manderangni kosakoba rakgipa ja•kurangko de•china aganaha.
Na·simang iakoba nina man·gen:
Na·simang iakoba poraina man·gen: Patgaon-ni me·chik dolrang, Himanta Biswa Sarma-ni CM ong·taiako nangnika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
