Tura, June 9: Department Of Management aro Indian Council Of Social Science Research (ICSSR) apsan nangrimenba, 2025 bilsini June 9 tariko chadambe Social Science skigiparangna dingtangmancha anti 2-na Capacity Building Prgramme-ko a·bachengate on·angaha aro ian June jani 20 tarikona ong·anggen. Ian skigiparangni skiani bewal, am·sandiani aro sea jotanio namdapaniko ra·bana dakchakaniko on·a miksonganio ia training-ko ong·atenga.
NEHU Tura-ni Vice Chancellor, Prof. Fameline K Marak, ia training-ko a·bachengate on·an baksana, iandakgipa program-rangara mongsongbate chel·gipa biaprango lekka pora bida aro am·sandianiko namdapatna gita badita gamchatachim uni gimin talate on·angaha. Prof. J. U. Ahmed aro Dr. Manash Pratim Kashyap-ba ia program-o dongpaenba, ia nambegipa cholko name jakkalchina didiataha.
Prof. Abhigyan Bhattacharjee and Dr. T. Rao-ni dilanio ong·atenggipa ia program-o Tamil Nadu, Rajasthan, Maharashtra, Mizoram, Arunachal Pradesh, Assam, Meghalaya, Manipur, Uttar Pradesh aro New Delhi-ko man·chape India-ni dingtang dingtang a·dokrangni chu·gimik sak 30 chadambe skigiparangba bak ra·paenga.
Iano dingtangmancha gisiko ra·na krabegipara somoiara uan Dr. Mridul Barman aro Prof. Abhigyan Bhattacharjee-ni segimin “Rural Haat System in Meghalaya” ingipa gital ki·tap kingsako oprake on·anian ong·aha. Ia segimin ki·tapara, sima ari sepangjolo donggipa Haat-rang ba chonchongipa anti cha·ram biaprangara, maikai Meghalaya a·doko bading chiwalani aro namroro silroroanina dakchakaniko on·achim uni gimin janape segimin ong·a.
Ia program-ko Dr. T. Rao-ni mitelani aro rimchaksoani kattarangchi a·bachengataha. Ua ICSSR-ko, University-ko aro ia program-ko ong·atna dakchakaniko on·gipa sakantikon mitelangan baksana ia program-ko ong·atengmiting somoio man·a dipet skie ra·ani cholko name jakkalchinaba skigiparangko didiataha.
Na·simang ia video-koba nina man·gen:
Na·simang iakoba poraina man·gen: Galchipgimin chiakolo Mongma bi·sa ga·aksrue sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
