Tura, Feb 6: A·jao nambata sanna bannaniko manderangna on·a miksonganio, IDBI Bank Ltd. Tura Branch, wheelchair aro stretcher-rangko Tura Civil Hospital-na da·al Sukrobar salni bako on·gilaha.
Ia ja·kuko de·aniara, sanchakram building nokrangko rika cho·anio dakchakaniko on·ani bak ong·a.
Ia tom·aniko IDBI Hawakhana Branch-ni a·gipbi officialrang Branch Head (BH) Muankim Vaiphei, Manager Priyankesh Sharma, Assistant Manager Priyanka Sharma, Junior Assistant Manager dilangaha aro iano gipin staff member-rangba dongpae bak ra·angaha.
Priyankesh Sharma tom·anio jinmana aganengon, Tura-ni manderangna tangka paisani gita dakchakaniko on·ana agreba dingtang dingtang cholrangchi bank-ni gita dakchakaniko on·a jotton ka·enga, ia wheelchair (ge·chet) aro stretcher (Ge·chikkung)-ko on·anichi sae ding·e donggipa manderangna adita dakchakaniko on·a man·gnok ine aganaha.
Ia on·aniko Joint Director baksana Superintendent ong·enggipa Dr. Kevin D.G. Momin ra·chakangaha aro ua jinmana aganengon, ia bosturangko man·soanichi neng·nikaniko man·ennggipa staff-rang aro patient-rangna dakchakaniko ong·gnok ine aganaha.
Ia on·gilaniara, Meghalaya a·doko manderangna dangdike on·a miksonganio dolgnini gisepo bakrime kam ka·anio tang·doenganiko mesokengani ong·a.
IDBI Bank Ltd Hawakhana Tura branch-ara, West Garo Hills a·jani Lower Hawakhana-o gnang jean chu·gimikan manderangna tangka paisani gita dakchakaniko on·enga.
Ia bank-o, savings account, current account, fixed deposits aro recurring deposit scheme-rangko ra·na man·a. Unbaksana credit facility-rangba gnang jekai, Supports Home, personal, Education, vehicle, mortgage aro business loan-rangkoba on·a.
Digital Service-rangkoba manderangna on·enga jekai, mobile banking (Go Mobile+), UPI aro tax payment service-rangkoba jakkalna man·a.
Indake, ia Branch-o manderangna, badingchiwalgiparangna, game ge·e cha·giparangna aro sorkario kam ka·giparangna dakchakaniko on·a krenge kamko ka·enga.
Na·simang iakoba nina man·gen:
Na·simang iakoba poraina man·gen: Bishramganj Nagar Panchayat-o donggipa ADC a·ako NDA sekdraenga ine TIPRA Motha matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
