Shillong, Dec 24: Salgnina U Soso Tham Auditoriumo ong·atgipa Shillong Arm Fight 2023, All India Arm Wrestling Championship da·si attamo matchotaha. Ia susaanio India a·songni dingtang dingtang bakrangoni re·bae bak ra·tokaha.
Ia jakpong pe·susaaniko People’s Federation of Arm Wrestling India, Bouncers Association of Meghalaya aro Treilang Welfare Society baksa nangrime ong·ataha; tangka paisako Sports & Youth Affairs Department, Government of Meghalaya on·e dakchakaha.
“Batanggimin bilsi bongani gisepo chinga dingtang dingtang kal·susaanirangko ra·dona jotton ka·enga, aro kal·susaani biaprangko namdapatenga; a·song gimikni gita susaanirangkoba Shillongo bang·en sokachakaha, jekai Grandmaster Chess Tournament, jean mejal salo matchotaha,” me·asa aro me·chikrangni final matchrango dongpae CM Conrad aganaha.
“Shillongo ong·atgipa gipin national gadangni susaaniranga All India National Boxing Championship aro All India Table Tennis Championship. Meghalaya sports kal·chakram biap ong·baroroengania namen kusini ong·a.”
Me·asarangni jakpong pe·susaanio Assam-ni Dipankar Mech aro me·chikrangni jakpong pe·susaanio Haryana-ni Yogesh Choudhury champion ong·tokaha.
Me·asarangni gisepo mandeni jriani kri susaanio skanggipa, gnigipa aro gittamgipa ong·giparanga: 55 kg-o Daniel Nongkhlaw, Hubert Paliar, Banshanlang Terang; 65 kg-o Nilay Sankar, Razedul Ali, Revel Born Star Snaitang; 75 kg-o Deepanker Mech, Jackson Lyngdoh, Alexion Roy Mylliem Umlong; 85 kg-o Tridip Medhi, Alan S Marbaniang, Kishore Chettri; 85 kg batgipararango Bakham Maian Khongwir, Banbatjuban Khingwir, Ishan Kashyap.
Me·chikrangni gisepo mandeni jriani kri susaanio skanggipa, gnigipa aro gittamgipa ong·giparanga: 50 kg-o Angelis Kharumnuid, Airikkmen Shabongg, Milartita Lyngdoh Nongbri; 55 kg-o Bandarika Kharkongor, Senebi Syngkli, Angel Mary Mylliem Umlong; 60 kg-o Wandalin Syiemong, Payal Bhommik, Olivia Dkhar; 65 kg-o Margareth Pathaw, Aiboklin Rina, Yimri Jagoi; 65 kgna batgiparango Yogesh Chaudhury, Soram Rani, Ribasuk Lyngdoh Mawphlang.
Also Read: Merry Christmas wishes and quotes to send to your loved ones: Spreading joy and warmth-check here
WATCH
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
