Guwahati, Dec 29: Prime Minister Narendra Modi, uni chang 129-gipa “Man Ki Baat”-o Manipur a·dokni manderangchi namroro silroroaniko ra·baanina mongsongbate dingtang chanchibewale jakkaltaina man·gipa bil baksana me·chikrangchi chalaienggipa bading chiwalanina rasongko on·e aganangaha.
Ua Manipur a·dokni chadambe saksa Moirangthem Seth, jean songadam biaprango solar panel-rangko songe on·enba bijolini a·sel man·enggipa neng·nikanirangko komiatna dakchakahachim uni gimin aganangaha. Uni ia kamni a·sel, bang·a nokrangon bijolirangko man·aha aro sanram biaprang nambate kamrangko ka·na man·an baksana na·tok rim·e cha·giparang, jolni artist-rang aro me·chikrang bang·bea dakchakanirangko man·aha. Uni ia kamrangara sorkarini bang·a scheme-rang jekai PM Surya Ghar Muft Bijli Yojana-rangna dakchakaniko on·angaha ineba Prime Minister u·iatangaha.
Prime Minister Narendra Modi, Manipur a·dokni me·chik bading chiwalgiparangna rasongko on·e aganengon, ua Churachandpur-ni Margaret Ramtharsiem, jeni jaktangchi tarigipa bading chiwalaniara sak 50-na bate artisan-rangna kamrangko on·an baksana Delhi-ko man·chape India-ni pilak biaprangon uamangni tarigipa bosturangko pala sim·aniko dakenga. Una agreba, ua Senapati a·jani Chokhone Krichena-koba janapangaha jean ma·gitcham pagitchamrangni bewalo gama ge·ani gimin u·i-ma·sianiko jakkale pulrang bading chiwalaniko a·bachengatenba, jolo tangka paisani gita man·anirangko bariatna dakchakaha.
Prime Minister Narendra Modi, ia pilak dakmesokanirangara ma·gitcham pagitchamni chanchibewalanirangko chasong gitalni u·i-ma·sianirang baksa brine kamko ka·aniara tangka paisani gita tangdoaniko ra·bana dakchaka ine aganangaha. 2025 bilsini gimin ua jinmana aganengon, a·songo dingtang dingtang ong·telaigiparangchi nangchakeako man·genchimoba a·doko kal·susaani, space science, jatni dakbewal rikbewal aro samtangtango donggipa ong·telaigiparangko chel·chakanio tang·dorororoaniko man·ani bidingoba ua janapangkuaha. Indake ong·engon, ua a·songko rikani dingtang dingtang program-rang jekai Viksit Bharat Young Leaders Dialogue and Smart India Hackathon-rango bak ra·pachina chadamberangko didiataha.
2025 bilsi Man Ki Baat-o, ua 2026 bilsio dingtang chanchibewalani aro songsalna dangdike on·anina an·tangtangko on·kange kamko ka·china, an·seng baljoke dongchina aro nangchongmotana agre antibiotic-rangko jakkaljachina manderangna didianiko on·ataha.
Na·simang iakoba nina man·gen:
Na·simang iakoba poraina man·gen: Mawsynram-ni wa•griprango fungus-ni gital rokomko man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
