Tura, May 18: India a·songni sipai dolrangna chakpaaniko mesokna aro Operation Sindoor-ko ka·anio chu·sokgipa ong·ahani gimin sipai dolrangko mittelpilskana gita Sonibar salo, Tiranga Rally ba a·songni nisanko ra·e jinma re·jomaniko Tura-oba ong·atangaha.
Ia re·jomaniko Tura-ni MDC Bernard N Marak-ni dilanichi ong·ataha aro re·jomanio, Tura jillani dingtang dingtang skul aro college-rango poraienggipa chatro chatrirang aro gipinrangba bak ra·angtokaha.
Jinma re·jomaniko Tura District Auditorium-oni a·bachengate, Tura Bazar, Hawakhana aro Ringre gita wenbae, apsan biapon matchotateaha.
Ia tom·anio Tura-ni MDC Bernard Marak, jinmana aganprakengon, a·songko chel·chakengani gimin aro a·songni manderangna naljokaniko on·engani gimin BSF, CRPF, Meghalaya Police, Indian Army, Indian Navy aro uandakgipa dingtang dingtang sipai dolrangko mittelpilangaha.
Bobil dake chakatgipa dolrangko warachakanio ia sipai dolrang, an·tangtangko on·kange kam ka·engani giminsa a·songni manderang tom·tomao janggi tangna man·enga ineba Marak aganaha.
Ia re·jomaniko ong·ataniara politics-ni gita maming nangeani dongja indiba sipai dolrangko mande ra·pilskana miksongesa ong·ataha ineba Tura-ni MDC talataniko on·angaha.
Na·simang ia video-koba nina man·gen:
Na·simang iakoba poraina man·gen: Tura-o Trinity Workshop-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
