Tura, May 18: Doka dam·anio gisik nanggipa manderangna Sonibar salo, dingtangmancha Trinity Workshop-ko Tura-ni Don Bosco College-o ong·atangaha aro ia workshop-ko ong·atanio, chatro chatrirang, ma·a paarang, skigiparang aro doka dam·anio gisik nanggipa manderang gimik sak 300-mangni gita bak ra·angtokaha.
Ia workshop-ko Music, Drama aro Spoken English-o Trinity College London-ni ra·enggipa porikkarangni bidingo talate on·na gita Tura Music Academy ong·ataha aro ia workshop-ko a·bachengatanio, Tura Music Academy-ni Director Tengrang R Sangma, rimchaksoani kattarangko aganangenba, ia workshop-ko ong·atani bidingo agan-talate on·angjolaha.
Ia workshop-o Trinity College London-ni official Minette Duncan Marbaniang aro doka dam·aniko skie on·giparangoni saksa Givenstar Nongklaw, Trinity porikkako ra·ani, jinmani mikkango doke dam·e mesokani aro doka dam·aniko poraie seani bidingo agan-talatanirangko on·angaha.
Ia workshop-ko ong·atanio doka dam·aniko skie ra·enggipa chadambe sakgittam, chong·motan Alexier Cheangdo, Eariana M Sangma aro Demisha R Sangma, piano-ko doke mesokanichi manderangko an·saoatangaha.
Ja·mano, Trinity-ni Spoken English aro Drama course-rangni giminba jinmana agan-talatanirangko on·angaha.
Na·simang ia video-koba nina man·gen:
Na·simang iakoba poraina man·gen: Hyderabad-o wa·al kamanio komibewaloba sak 17 manderang janggitangko gimaata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
