Tura, Aug 22: Inter-Mahari Football Tournament-na kal·ani matchotanga ja·man pil·satai, A·konggre Baptist Church Father’s Fellowship-ni ong·atenggipa Inter Church Father’s Fellowship Football Tournament 2023-ko Tura, Chandmari kal·chakramo a·bachengattaiaha aro ian Garo Hills-oni robol kal·na gisiko nanggiparangna bakko ra·e kal·na gita namgipa chol ong.piltaienga.
Ia robol ga·tingsusaaniko mija August jani 17 tarikoni a·bachengataha aro finalko re·baenggipa September 9 tariko kal·atna manchisoenga. Ia kal·susaanio Tura songjinmani dingtang dingtang bakrangoni dingtang dingtang giljarang gimik dol 32 mang gape bakko ra·e kal·na gita bimingko segatangtokaha ineba koboroniko knasona gita man·enga.
Indake ong·engon, mija August 21 tariko ge·gni match-rangko kal·anganio, skanggipa Darengre church team aro Lower Sunny Hills church team-ni gisepgriko kal·susaangaha jeon Darengre giljani kal·giparang kal·a gimikon robolko ra·bate kal·enba dolgipin giljani kal·giparangko gol 6 nil on·eming ga·subee amchepataha. Uandake, gnigipa match-ko Penny Valley aro Edenbari Church-ni gisepo kal·angskaaha aro iamangni gisepo kal·anirang dolgnichin rakgrikaniko nikna gita man·aiaha, indiba bon·chotao Penny Valley gilja jenten golsako chipeming Edenbari giljako ame donna man·aha.
Da·o ong·atenggipa Inter Church Father’s Fellowship Football Tournament 2023 matchotani ja·manba, apsan kal·chakramon re·baenggipa September 12 tarikoni a·bachenge dal·batgipa robol ga·tingsusaatani, Tura Champions Trophy 2023-ko skanggipa changna ong·atna gita tarisoskaenga aro ia kal·susaanio Super Division aro Division-A Club-rangni dongpaani baksa Tura Football League-oni nambatgipa ge 18 club-rang bakko ra·e kal·angtoknasienga, jeon Garo Hills-oni namnamgipa robol kal·na sapgiparangni title-na sekseke kal·aniko nikangskana gita man·gen.
Iakoba poraie nina man·gen: Shillong-o ringani chirangko FKJGP porikka ra•e niata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
