Tura, Aug 12: Mongolbar salo, changbongagipa Inter Mahari Men’s Football Tournament-ni changgni robol kal•susaanirangko Tura-ni Chandmari kal•chakramo ong•atangaha aro uan skanggipao Chisim Mahari aro Koknal Mahari, gnigipao A•gitok Mahari aro Mrong Maharirangni gisepo kal•susaangaha.
Chisim Mahari aro Koknal Maharirangni robol kal•susaanio, Chisim Mahari, goal 1-0-chi Koknal Mahariko cheangaha aro A•gitok Mahari baksana Mrong Maharirangni kal•susaanio, A•gitok Mahari, goal 2-1-chi Mrong Mahariko cheangskaaha.
Chisim Mahari aro Koknal Maharirangni kal•susaanio, Chisim Maharini Dali M Sangma, kal•ani 38-gipa minute-o doltangna goal-ko chipe on•na man•aha indiba uni ja•man dolgnian goal-rangko chiptaina man•jaha.
A•gitok aro Mrong Maharirangni kal•susaanio, A•gitok Maharina Chengkal A Sangma aro Andrew War, goal-prakko chipe on•aha aro Mrong Maharina, Nikrang Achura M Marak, goal-sako chipe on•skana man•aha.
Maharirangni gisepo robol kal•susaani salsabatbat ga•subatrorobaengon, Budbar saloba Bolwari Mahari aro Mangsang Maharirang, ia apsan biapon kal•susaangtaigen.
Na·simang iakoba nina man·gen:
Na·simang iakoba poraina man·gen: N’land University, silni bosturangko maram cha·aoni champengsoani cholko sandie man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
