New Delhi, Mar 6: Sukrobar salo Iran a·song, Israel a·songni Tel Aviv songjinmako missile-rangchi goe chadrapaha aro missile-rangchi goe chadrapanio Israel a·songni Emergency Service-rang adita nosto ka·ako man·aha indiba darangba saknaanirangkode man·a dongjaha ine u·iataha.
Iani video-rangkoba dingtang dingtang news channel-rango watataha aro Israel a·songo kobor on·timgiparangni parakatani gitade, Iran a·song, Israel a·songni bijangchi jolrangko missile-rangchi goe chadraptaiaha.
Iran a·songni, Israel a·songko missile-rangchi goanio, darangba so·otako man·a dongjaha aro saknaa man·giparangba dongjaha ine medical official-rang parakataha.
Iran a·songni chadrapanio, baditaba ge rocket-rangko goataha ine Israel a·songni army-rang parakataha.
Israel a·songko goatgipa rocket-rang goprete, adita biaprango ga·akonaha aro ua biaprangko nosto ka·angaha ineba police-rang u·iataha.
Je biaprangon siren-rangko gam·ata uandakgipa biaprango manderang, bomarangoni chel·chakgipa biaprangko wate re·angna man·aignok indiba biaptangtangon dongna nangaigen ine IDF Home Front Command-oni u·iataha.
Ia dinggrikanio bakrimpagipa Hezbollah-ni kosako a·jak sokskana gita Sombar salo, Beirut songjinmani salgipeng jolrangko Israel-ni chadrapani ja·man Sukrobar salo Iran-ba, Israel a·songni bijangchi jolrangko missile-rangchi chadrapskaaha.
Iani bidingo US Central Command-ni Chief Admiral Brad Cooper, kobor ra·timgiparangna u·iatengon, Iran a·songni missile-rangchi chadrapani, re·anggipa February 28 tarikoni, US aro Israel a·songrang nangrime chadrapskaani ja·man 90 percent-mangni gita komiangaha ine parakataha.
Re·baenggipa sal somoirangoba US aro Israel a·songrang, bilakbate chadrapani cholrang donga ine janapatengon, Iran a·songo songdongenggipa manderangko, ongipa biaprango dongchina didiataha.
Na·simang iakoba nina man·gen:
Na·simang iakoba poraina man·gen: GHADC election-o susanagipa sak 5 candidate-rangni bimungrangko NPP parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
