Tura, Mar 6: National People’s Party (NPP)-chi dilenggipa Meghalaya Democratic Alliance (MDA) sorkarini bilsichet gapaniko Sukrobar salo, ‘Our Magnificent Meghalaya – Vision 2032’ ine pangchakaniko donenba, Tura-ni PA Sangma Sports Complex-o maniangaha.
Ia tom·bimonganiko ong·atanio, a·dokni Chief Minister Conrad K Sangma, laksana baten chatro chatrirangna CM’s Scholarship-ni tangkarangko watataha aro CM Farm+, CM Elevate aro FOCUS+ program-ni cheque-rangkoba sualataha.
Buring bolgrimrangko ripinganio Green Meghalaya program-ni chu·sokgipa ong·enganikoba ia tom·bimonganio Chief Minister parakataha.
MDA sorkarini bilsichet gapaniko manianio, Meghalaya Legislative Assembly-ni Speaker Thomas A Sangma, Deputy Chief Minister Prestone Tynsong, sakgipin Deputy Chief Minister Sniawbhalang Dhar, PHE Minister Marcuise N Marak, Agriculture Minister Timothy D Shira, gipin dilgiparang aro dingtang dingtang sorkari official-rangba dongpae bak ra·angaha.
Ia tom·anio, MegLife JICA project-ni ning·o dingtang dingtang community hall-rangkoba nokdonggae on·atjolaha.
Na·simang iakoba nina man·gen:
Na·simang iakoba poraina man·gen: Iran-ni missile-rang, Tel Aviv songjinmako chadrapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
