Shillong, Nov 30: Bristibar salo, Jaintia Hills-ni NPP-ko dilenggipa manderang, dingtangmancha tom•aniko State Convention Centre-o ong•atenba, re•baenggipa 2024 bilsini Lok Sabha election-o NPP-ni candidate ong•e Shillong Parliamentary constituency-oni susana sienggipa Mazel Ampareen Lyngdoh-na chakpaaniko parakangtokaha.

Ia tom•anio Jaintia Hills gimikni NPP MLA-rangba bakko ra•angtokaha aro pilakan a•dokni Cabinet Minister Ampareen Lyngdoh-na chakpaaniko on•angtokaha.

Ia tom•anio NPP-ni dilgiparang, dingtangmancha re•baenggipa bilsini Lok Sabha election-na campaign ka•anikoba a•bachengatjolaha.

Ia tom•anio a•dokni Cabinet Minister aro NPP-ni dilgipa Saniawbhalang Dhar, tom•anio bak ra•giparangna aganprakangengon, Sukrobar salonin NPP-ni dilgiparang, dingtang dingtang a•jarangona wenangenba, NPP-ni candidate-na campaign ka•aniko a•bachengatgnok ine parakataha.

An•tangna chakpaanirangko on•engani gimin Ampareen-ba NPP-ni dilgiparangko aro membor-rangko mittelpilangskaaha.

Iakoba poraie nina man·gen: Hawala Transaction’-o jak donggipa police aro journalist saksako rim•a