Guwahati, Mar 1: Assam-o ong·atenggipa ‘Jana Ashirbad Yatra’-ni gnigipa sal, chong·motan Robibar salo, Assam a·dokni Chief Minister Himanta Biswa Sarma, kobor ra·timgiparang baksa agangrikangenba, ia program-ko ong·atanio bang·a manderangan bak ra·engani gimin mittelpilaniko parakangaha.
Ia Yatra ba re·jomanio bak ra·aniara, Assam-o songdongenggipa manderangni bakrimani aro pattianiko mesokani ong·a ineba ua aganaha.
Ia Yatra-ko ong·atanio JCB-ni noksako jakkalengani gimin talataniko on·angengon, ian Assam-o niam gri re·bae songdong a·chaenggipa manderangko sorkarini a·rikgalna kam ka·aniko mesokani ong·enga aro da·o election-na skangba sorkari, niam gri songdong a·chaenggipa manderangko bilakbate a·rikgalangkugen ine Sarma aganaha.
Ia Yatra-ko ong·atani miksonganiko sing·anina aganchakaniko on·angskaengon, Assam-o buring bolgrimrangko aro niam gri songdongenggipa manderangoniko Tribal-rangni biaprangko chel·chakna miksonganio iako ong·atenga ine Chief Minister aganaha.
Assam a·dokni minister Pijush Hazarika-ba ia yatra-o bang·a manderangan re·bae bak ra·ahani gimin mittelpilaniko parakataha.
Bang·a manderangni ia Yatra-o bak ra·aniara Chief Minister Himanta Biswa Sarma aro Bharatiya Janata Party (BJP)-ni dilanio manderangni ka·donganiko mesokani ong·enga ineba Hazarika aganaha.
Na·simang iakoba nina man·gen:
Na·simang iakoba poraina man·gen: Leopoldo Girelli skanggipa Tura-ona re·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
