Tura, Mar 1: India aro Nepal a·songna Apostolic Nuncio ong·e dangdike on·enggipa Most Rev Leopoldo Girelli, Sonibar salo Tura-ona sokbaaha aro ian Vatican Ambassador-ni skanggipa changna Garo Hills-ona re·baani ong·aha.
Most Rev Girelli-ni Tura-ona re·baanio, hajalni hajal Catholic bebera·giparang, Isolna dangdike on·enggiparang aro dingtang dingtang dilgiparangba apsan olakkina gita tom·chimongbatokaha.
Tura-ona sokbaani ja·man Apostolic Nuncio, Tura-ni Cathedral Parish-o Rongtalgipa Missa Boliko dakdilangaha aro Mons Oreste Marengo SDB baksana Bishop George Mamalassery-ni gopramrangko man·chape gitcham bishop-rangni gopramrango bi·chakangaha.
Jinma olakkianio ua Isolni namgipa kattarangko aganprakangengon, ka·sachakani aro bi·anio dingtangatna man·gipa bilni gimin janapangenba, kakket ong·e bi·anichi kema ka·aniko man·na ama aro ka·sachakani gisikko ong·atna ama ine Most Rev Girelli aganaha.
Sonibar attamni tom·bimonganio, Tura-ni Bishop Andrew R Marak, Auxiliary Bishop Jose Chirackal aro Meghalaya a·dokni Chief Minister Conrad K Sangma-ba Nuncio-ko Tura-ona rimchaksoangengon, Girelli-ko saksa bamgipa aro je somoioba grongna man·gipa ine aganaha. Ian Nuncio-ni dokgipa changna Meghalaya a·dokona re·baani ong·aha ine janapatengon, uni Garo Hills-ona re·baanichi manderangni bebera·aniko mangrakbatataha ine Sangma aganaha.
Meghalaya a·dokni namroro silroroanio Catholic Mondolini bak dongpaaniko janapatengon, a·dokni dingtang dingtang biaprango lekka pora, an·seng baljokani aro songsalni manderangna dangdike on·anina a·dokni Chief Minister, Catholic Mondoliko mittelpilangaha.
Ia tom·bimonganio Girelli, jinmana aganprakangengon, Garo Hills-o bebera·anirang ning·tuanina aro jatni daka rikanirangna mittelpilaniko parakangenba, Mondolini kamrango dakchakanirangko on·engani gimin a·dok sorkarikoba mittelpilangaha. Manderangna dangdike on·na gita an·tangtangko on·kangahani gimin ua Catholic kamalrangkoba mittelpile aganangaha.
Mondolina agan-ku·pattianirangko on·angengon, Isolni kamna aro toromo janggi tangna gita an·tangtangko on·kangna nangengani gimin Vatican Ambassador aganangaha. Mondolini dal·roroanide dilgiparangni on·kanganiosa pangchakbata ine janapatskaengon, Isolna dangdike on·na okamaniko knachakna gita dedrangrangko didichina ua, Tura-ni Kristian nokdangrangko didiangaha.
Ia program-ko ong·atanio, Auxilium Convent-ni Prayer Dance, Don Bosco College-ni Wangala chrokani aro dingtang dingtang dakmesokanirangkoba nikangna man·aha.
Vatican Ambassador, Robibar salo jinma olakkianio bak ra·ani ja·man Tura-oni re·angpilaha.
Na·simang iakoba nina man·gen:
Na·simang iakoba poraina man·gen: West Sikkim-o dumper truck bolsa 300 feet mang chugipa a·kuangchi ga·akonange sak 3 sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
