Guwahati, Jan 19: Union Minister of State (Independent Charge) for Skil Development and Entrepreneurship aro Minister of State for Education, Jayant Chaudhary, Salgro Salaram jolna IndiaSkills Regional Competition 2025-26-ko Gauhati University-o a·bachengate on·angaha. Ian skanggipa changna ia susaaniko Salgro Salaram jolo on·gatchengani ong·enga. Ia susaanio, Salgro Salaram jolo donggipa dam 8 a·dokrangoni sak 162 chadamberang, digital technology, jaktangchi bostu tariani, sana banani, an·sang baljokani aro bading chiwalaniko man·chape ming 26 dingtang dingtang changa sapanirangko dake nisusaanio bakko ra·angpaaha, jekon Ministry of Skill Development and Entrepreneurship-ni gita ong·atangaha aro iako chalanianio National Skill Development Corporation dakchakaniko on·angskagen.
Ia tom·bimonganiko oprake on·anio, Gauhati University-ni Vice-Chancellor Dr. Nani Gopal Mahanta, Assam sorkarini Principal Secretary Gyanendra Dev Tripathi, MSDE-ni Joint Secretary Ms Hena Usman baksana gipin a·gipibatgipa official-rang aro Skill Development Sector-ni manderangba dongpae bak ra·angtokaha.
Tom·anio jinmana aganengon, Prime Minister-ni Salgro Salaram jolo donggipa a·dokrangna gisikko on·batanichi chadamberangna ka·dongbatani aro bang·bata cholrangko ra·bana dakchakaha ine Jayant Chaudhary janapataha. IndiaSkills-ara changa sapani, kakket skie ra·gipa ong·ani baksana kamko mande ra·aniko maniani ong·a ine u·iatengon, Salgro Salaram jolni chadamberang India-ni skilled workface-ko dilna tarisamsogiminrang ong·a ineba aganangkuaha. Iani gisepon, NEP 2020-ni ku·pattigimin gita lekka pora skie ra·ani aro changa sapaniko skie ra·ani nambate nangrimgimin ong·na nanga ineba ua janapataha.
Official-rangni aganani gitade, ia competition ba susaaniko ong·ataniara technical kamrango bang·bata me·chikrangni bak ra·enganiko aro iano bakko ra·giparang digital, bostu tariani aro dangdike on·a changgipa sapgiparang ong·aniko mesoka. Ia regional event ba susaanio nambate dakgiparangko, IndiaSkills National Competition-ona ra·angskagen ine u·iatengon, ianoni mittam chadamberangde re·baenggipa September jani 22 tarikoni 27 tarikona Shanghai-o ong·atna sienggipa WorldSkills Competition-o India a·songni palo susaaniko dakna cholko man·aba donga ineba parakataha.
Na·simang iakoba nina man·gen:
Na·simang iakoba poraina man·gen: Agartala-o Kokborok Day-ko manianio Roman oikorna dabiani mongsonggipa bak ong•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
